“6 முதல் 8-ம் வகுப்பு வரை பள்ளிகள் திறப்பு இப்போதைக்கு இல்லை” - மக்கள் நல்வாழ்வுத்துறை

முதல்வருடனான கலந்தாலோசனையில், “6 முதல் 8-ம் வகுப்பு வரை பள்ளிகள் திறப்பு இப்போதைக்கு இல்லை” என தமிழக மக்கள் நல்வாழ்வுத்துறை சார்பில் தகவல் தெரிவிக்கப்பட்டுள்ளது.

தமிழ்நாட்டில் தற்போது நடைமுறையில் இருக்கும் கட்டுப்பாடுகளுடன் கூடிய ஊரடங்கு நீட்டிப்பு குறித்து முதலமைச்சர் மு.க.ஸ்டாலின் இன்று ஆலோசனை நடத்தியிருந்தார். இந்த ஆலோசனைக்கூட்டத்தில் 1 முதல் 8ஆம் வகுப்பு வரையிலான மாணவர்களுக்கு பள்ளிகள் திறப்பது குறித்தும், வெள்ளி, சனி, ஞாயிறன்று வழிபாட்டுத் தலங்களில் தரிசனத்திற்கான தடையை நீக்கக் கோருவது பற்றியும் முடிவெடுக்கப்படலாம் என்று கணிக்கப்பட்டது. இதற்கு நிபுணர் ஆலோசனை பெறப்படும் என சொல்லப்பட்டிருந்தது.

தொடர்புடைய செய்தி: 1 முதல் 8ஆம் வகுப்பு வரையிலான பள்ளிகள் திறப்பு எப்போது? - முதல்வர் ஸ்டாலின் இன்று ஆலோசனை

அந்த நிபுணர் ஆலோசனையின்போது தமிழக மக்கள் நல்வாழ்வுத்துறை சார்பில், பள்ளிகளைத் திறக்க வேண்டாம் என்று வலியுறுத்தப்பட்டதாக கூறப்படுகிறது. மேலும் இத்துறை தற்போது தொற்று அதிகரித்து வரும் மாவட்டங்களில் கூடுதல் கவனம் செலுத்திவருவதாகவும், அக்டோபர் இறுதிக்குள் 75% மக்களுக்கு முதல் தவணை தடுப்பூசி என்ற இலக்கை நோக்கி பயணம் செய்வதாகவும் துறை சார்பில் தகவல் தெரிவிக்கப்பட்டுள்ளது.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News http://puthiyathalaimurai.com/newsview/117230/Tamil-Nadu-People-Welfare-Department-stand-on-School-opening-for-6th-to-8th-classes-during-covid-time.html